بە سەرپەرشتیی بەڕێز عەبدولستار مەجید وەزیری كشتوكاڵ و سەرچاوەكانی ئاو و ئامادەبوونی بەڕێزان عەبدولرەحمان عەلی رەزاو غەریب مستەفا حەمەخان ئەندامانی پەرلەمانی كوردستان لە لیژنەی كشتوكاڵ و ئاژەڵداری و ئاودێری و بەنداوەكان ئەمڕۆ سێ شەممە لیژنەی بەدواداچوونی كێشەكانی جووتیاران لە دیوانی وەزارەت، سەرقاڵی گوێگرتن و بەدواداچوونی كێشەو داواكارییەكانی جووتیارو خاوەن پڕۆژەكانی كشتوكاڵی بوو و لەگەڵ ژمارەیەك لە جووتیارو بەرهەمهێن و فەرمانبەرانی دامودەزگاكانی وەزارەت كۆبۆوە، لەسەرەتای كۆبوونەوەكەدا وەزیری كشتوكاڵ و سەرچاوەكانی ئاو بەخێرهاتنی ئەندامانی پەرلەمانی كوردستانی كرد و هیوای خواست كە ئامادەبوونیان ببێتە هاندەرێك بۆ زیاتر پەرژانە سەر كارو چالاكییەكانی وەزارەت و چارەسەركردنی كێشەوگرفتەكانی هاووڵاتیان بە شێوەیەكی گشتی و جووتیاران بە تایبەتی، لەلای خۆشیانەوە ئەندامانی پەرلەمان كە لە كۆبوونەوەكە ئامادەبوون سوپاسی جەنابی وەزیر و وەزارەتیان كرد، كە هەموو رۆژانی سێ شەممە لەنزیكەوە لە كێشەو داواكاریی جووتیاران دەكۆڵنەوەو چارەسەریان بۆ دەست نیشان دەكەن، دووپاتیشیان كردەوە كە ئەوان لە لیژنەی كشتوكاڵ و ئاژەڵداری و ئاودێری و بەنداوەكان لە پەرلەمانی كوردستان ئەم كۆبوونەوانە بەرز دەنرخێنن و روونیشیان كردەوە كە خوازیارت وەك نوێنەری پەرلەمان هەموو رۆژانی سێ شەممە بەپێی دەرفەت ئامادەی ئەم جۆرە كۆبوونەوانە بن، دواتر لەلایەن جووتیارانەوە چەند كێشەو داخوازییەك خرانە ڕوو بە تایبەتیش كێشەی زێەوی و زاری كشتوكاڵی كە بۆ پڕۆژەكان تەرخان دەكرێت و زیان بە خاوەن زەوییەكان دەگەیەنێت، لەم رووەوە وەزیری كشتوكاڵ و سەرچاوەكانی ئاو جەختی كردەوە كە بەهیچ شێوەیەك رێگە نادرێت زەویی كشتوكاڵی بدرێتە وەبەرهێن و خاوەن پرۆژەكان تەنیا لە زەوییەكانی بەردەڵان رێگەیان پێ دەدرێت بەپێی پێویست، هاوكات پابەندبوون بە رێنماییەكانی بیرلێدان و كاریگەریی نەبوونیان بۆ سەر ئاوی ژێر زەوی جەختی لێكرایەوە، ئەمەو لەم كۆبوونەوەیەدا چەندین بابەتی دیكە خرانەڕوو و لە رێگاكانی چارەسەركردنیان كۆڵرایەوە.