لەبەر كەمبوونی بەرهەمی پەتاتەی خۆماڵی و بەرزبوونەوەی نرخی لەبازاڕدا بڕیاردرا باج لەسەر پەتاتەی هاوردەكراو هەڵبگیرێ، دكتۆر ئەنوەر عومەر قادر بەڕێوەبەری گشتیی پلان و بەدواداچوون و وتەبێژی وەزارەتی كشتوكاڵ و سەرچاوەكانی ئاو ئەمەی پشتڕاست كردەوە و رایگەیاند: كە لەمڕۆوە وەزارەت بڕیاری دا باج لەسەر پەتاتەی هاوردەكراو هەڵبگیرێت و ئەمەشی بۆ كەمبوونی پەتاتەی خۆماڵی و بەرزبوونەوەی نرخەكەی لە بازاڕەكانی هەرێمی كوردستان و بۆ بەرژەوەندیی هاووڵاتیان گەڕاندەوە، وتەبێژی وەزارەتی كشتوكاڵ زیاتر روونی كردەوە كە نووسراو بۆ بەڕێوەبەرایەتیی گشتیی گومرك كراوە تاكو لەرێی خۆیانەوە كاری پێویست ئەنجام بدەن و خاڵە سنوورییەكانی هەرێمی كوردستانی لێ ئاگاداربكەنەوە.