وەزیری كشتوكاڵ و سەرچاوەكانی ئاوو بەڕێوەبەری كۆمپانیای مەشریق لە دیوانی وەزارەت گرێبەستێكیان بۆ دابینكردنی قڕكەر واژۆكرد، عەبدولستار مەجید وەزیری كشتوكاڵ و سەرچاوەكانی ئاو گرێبەستێكی بۆ دابینكردنی قڕكەری جۆری سایمۆڤار بۆ نەخۆشییەكانی هەنگ لەگەڵ سەڵاح محەمەد قادر بەڕێوەبەرەی كۆمپانیاكە واژۆكرد، بەپێی گرێبەستەكە كۆمپانیای ناوبراو بە بڕی پتر لە 523 ملیۆن و 988 هەزار دینار لە پاڵپشتیی( اعانات)ی كشتوكاڵی (150140)شریت قڕكەر لە ماوەی 75 رۆژ دابین دەكات، ئەم قڕكەرە بە پێی پلانێك بەسەر هەنگەوانانی پارێزگاكانی هەرێمی كوردستان دابەش دەكرێت، بۆ پارێزگای هەولێر 85 هەزار شریت و بۆ سلێمانی 57140 شریت و بۆ ئیداری گەرمیانیش 8 هەزار شریت قڕكەر بەسەر هەنگەوانانی ئەو شوێنانە دابەش دەكرێت، بەڵام پارێزگای دهۆك پیویستی پێی نیە.ئەمەش لە چوارچێوەی بایەخدانی وەزارەت دێت بە بەرهەمی ناوخۆی هەنگوین و پاڵپشتیكردنی هەنگەوانان.