بێگەرد تاڵەبانی، وەزیری كشتوكاڵ و سەرچاوەكانی ئاو دووپاتیكردەوە: لەمەودوا گرنگیەكی زۆر زیاتر بەناوەندە زانستیەكانی وەزارەتەكەیان دەدەن، لە پێناو پشت بەستن بە زانست و پێشكەوتنەكان لە پەرەپێدانی كشتوكاڵ لە هەرێمی كوردستان و ستایشی كۆشش و ماندووبوونی ستافی تاقیگەی ناوەندی ڤێتەرنەری هەرێمی كوردستانی كرد لە پای خزمەت و هەوڵەكانیان. ئەمڕۆ یەكشەممە8/9/2019، بێگەرد تاڵەبانی، وەزیری كشتوكاڵ و سەرچاوەكانی ئاو بەڕێوەبەرایەتی تاقیگەی ناوەندی ڤێتەرنەری وەزارەتی كشتوكاڵ و سەرچاوەكانی ئاوی بەسەر كردەوە. لەسەردانەكەیدا وەزیری كشتوكاڵ لەگەڵ بەرێوەبەری تاقیگەو بەرپرسی بەشەكان و فەرمانبەرانی تاقیگەکە کۆبۆوە و باس لە بەرێوەچوونی كارەكانیان و پێداویستیەكانی تاقیگە كرا. وەزیری كشتوكاڵ و سەرچاوەكانی ئاو پشتگیری تەواوی بۆ تاقیگەكە دەربڕی و ئاماژەی بەوەكرد، لەمەودوا گرنگیەكی زۆر زیاتر بەناوەندە زانستیەكانی وەزارەتەكەیان دەدەن لە پێناو پشت بەستن بە زانست و پێشكەوتنەكان لە پەرەپێدانی كشتوكاڵ لە هەرێمی كوردستان دا. هەروەها ستایشی كۆشش و ماندووبونی ستافی تاقیگەی ناوەندی ڤێتەرنەری هەرێمی كوردستانی كرد لە پای خزمەتكردن بە تەندروستی هاوڵاتیان. وەزیری كشتوكاڵ بەڵێنی دا کە لەچوار چێوەی توانای وەزارەتی كشتوكاڵ پێداویستیەكانی تاقیگە دابین دەكەن.