سیمۆ ئارنۆڵد بەڕێوەبەری كۆمپانیای كوادرای سویسری كە كاری بازرگانیكردنی گەنمە رایگەیاند كە بەنیازە دوای رێككەوتن لەگەڵ وەزارەتی كشتوكاڵ و سەرچاوەكانی ئاوی هەرێمی كوردستان گەنمی جووتیارانی هەرێم بكڕێتەوە، لە میانی دیدارێكی بەڕێزعەبدولستار مەجید وەزیری كشتوكاڵ و سەرچاوەكانی ئاو بە ئامادەبوونی بەڕێوەبەری گشتیی پلان و بەدواداچوونی وەزارەت ئەم پێشنیارە بە تێروتەسەلی باسی لێوەكرا، سەرباری ئەمەش كۆمپانیاكە دەیەوێت سایلۆ لە كوردستان دروست بكات و گەنمی باوەڕپێكراو بۆ جووتیاران دابین بكات و دواتریش لێیان بكڕێتەوە، عەبدولستار مەجید جەختی كردەوە كە ئەوان وەك وەزارەت لاریان نییە، بەڵام پێویستە وەك كۆمپانیای كوادارا پێشتر پڕۆپۆزەڵێك ئامادەبكەن كە تێیدا نرخی پلەكانی گەنم دیاری بكەن لەگەڵ رێژەی پڕۆتین، هەموو ساڵێكیش رێنمایی تازە بۆ ئەم بابەتە دەدرەچێت كە دەتوانن كۆپییەكی لێ وەرگرن، لە هەمان كاتدا دەبێ ئەو بنەتۆییەی هاوردە دەكرێت لەلایەن حكومەتی عێراقەوە باوەڕپێكراو بێت، وەزیری كشتوكاڵ و سەرچاوەكانی ئاو هەموو ئاسانكارییەكی پێویستی خستە بەردەم كۆمپانیاكە تاكو پڕۆژەكەی جێبەجێ بكات، شایانی باسە كۆمپانیای كوادرای سویسڕی ساڵانە نزیكە 5 ملیۆن تەن گەنم بە بازاڕ دەكەن لە زۆربەی وڵاتانی جیهان.