بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی كرد لە مستەر پۆڵ شلۆنكی جێگری هەماهەنگكاری رێكخراوی(فاو) لە هەرێمی كوردستان و دكتۆر هیلال عەبدولقادر بەڕێوەبەری پڕۆژەكان لە رێكخراوەكە، لە دیدارێكدا كە بەڕێوەبەری گشتیی پلان و بەدواداچوون ئامادەی بوو، باسیان لەو پڕۆژانە كرد كە فاو لە هەولێرو دهۆك جێبەجێیان دەكات بەپێی بوودجەیەك كە بە پاڵپشتیی GIZ دابینكراوە، تایبەت بە راهێنانی ئاوارە و پەنابەرانی سوری و عێراقی و جووتیارانی كوردستان لەسەر خانووی پلاستیك و مێش هەنگوین و شیرەمەنی، وەزیری كشتوكاڵ و سەرچاوەكانی ئاو وێڕای دەستخۆشی لە رێكخراوی فاو هیوای خواست كە لە زۆر پڕۆژەی دیكەشدا بەشداربن بۆ بووژاندنەوەی كەرتی كشتوكاڵ و پەیداكردنی هەلی كار بۆ ئاوارەو پەنابەران و جووتیاران، ئاماژەشی بە رۆڵی فاو كرد لە ساڵانی رابردوودا كە خزمەتێكی بەرچاوی جووتیاران و كەرتی كشتوكاڵ و سامانی ئاژەڵی كردووە بە دابینكردنی فاكسين و بنەتۆو كەلوپەل و ئامێرو كەرەستەی كشتوكاڵی، لەلای خۆشیەوە جێگری هەماهەنگكاری فاو هیوای خواست كە وەزارەتی كشتوكاڵ و سەرچاوەكانی ئاو هەماهەنگيی رێكخراوەكە بكات و یارمەتیدەر بێت بۆ راپەڕاندنی ئیش و كارەكانیان، دواتر رێكەوتننامەكە لەلایەن عەبدولستار مەجیدو مستەر پۆڵ شلۆنكی بە ئامادەبوونی پەیامنێرانی میدیاكان واژۆكرا، ئینجا لە كۆنگرەیەكی رۆژنامەنووسیدا وەزیری كشتوكاڵ و نوێنەرانی فاو بەتێروتەسەلی باسیان لە ناوەڕۆكی ئەم رێككەوتننامەیە كرد و وەڵامی پرسیاری پەیامنێرانیان دایەوە.