وەزیری کشتوکاڵ و سەرچاوەکانی ئاو لە لاپەڕەی تایبەتی خۆی لە تۆڕی کۆمەڵایەتی فەیسبوک دەڵێت: لەماوەی رابردوو هەوڵەكانمان بەردەوامی هەبوو بۆ بەگەڕخستنەوەی كارگەی دۆشاوی تەماتەی شارەزوور، ئێستاش كاتێك بەگەڕخرایەوە جێگەی خۆشحاڵیە. كاك حسێن حەمەكەریم، بەڕێوەبەری گشتی و وتەبێژی وەزارەت لەگەڵ كاك ستار محەمەد، بەڕێوەبەری گشتی كشتوكاڵی هەڵەبجە سەردانی كارگەكەیان كردو لەگەڵ خاوەنی كارگەكە گفتوگۆیان كرد، پێمان راگەیاندن كە پشتگیری تەواوی ئەم كارگەیە دەكەین لە چوار چێوەی یاسا بەركارەكان. داوا لە جوتیارانی خۆشەویست دەكەین هەماهەنگی بكەن بۆ پێدانی بەرهەمەكانیان بەكارگەكە و وەزارەتی كشتوكاڵ و سەرچاوەكانی ئاویش هاوكاریانە. هەوڵەكانمان بەردەوامی دەبێت بۆ ساغكردنەوەی بەرهەمی جوتیاران بە دۆزینەوەی بازاڕ و دروستكردنی كارگە و ساردكەرەوە. دەمەوێت لێرەشەوە رابگەینم، ئەمساڵ لەڕێگەی بەڕێوەبەرایەتی گشتی توێژینەوە و رێنمایی كشتوكاڵی وەزارەتمان پێنج جۆر تەرزی تەماتە توێژینەوەی لەسەر كراوە، ئەنجامی سەرەتای دڵخۆشكەرە.