پێش نیوەڕۆى ئەمڕۆ (٣-٩-٢٠١٩)، بێگەرد تاڵەبانى، وەزیرى کشتوکاڵ و سەرچاوەکانى ئاو، لە دیوانى وەزارەت پێشوازى کرد لە کوردە عومەر، بەڕێوەبەرى گشتى بەرەنگاربوونەوەى توندوتیژى دژى ئافرەتان و خێزان و وەفدێکى هاوڕێى. لە دیدارێکدا وەفدى میوان پیرۆزباییان لە خاتوو بێگەرد تاڵەبانى کرد بە بۆنەى دەستبەرکاربوونى لە پۆستى وەزیرى کشتوکاڵ و داوایان لێکرد هاوکارى بەڕێوەبەراتییەکەیان بێت لە پێناو هەرچى زیاتر راپەڕاندنى ئەرکەکانیان و چەسپاندنى هەرچى زیاترى ئاشى کۆمەڵایەتى لە کوردستان و بەگژداچوونەوەى هەر جۆرە جیاکارییەکى جێندەرى و توندوتیژییەکان دژ بە ژنان و خێزان. وەزیرى کشتوکاڵ وێراى دووپاتکردنەوەى پشتیوانى خۆى بۆ سەرخستنى کار و ئەرکەکانیان، ستایشى کارو چالاکییەکانى ئەو بەڕێوەبەرایەتییە گشتییەى کرد و رۆڵى ئەوانى لە کەمکرنەوەى توندو تیژى بەرامبەرامبەر ژنان بەرز نرخاند.