رێكخراوی پەرەپێدانی پیشەسازیی خۆراكی سەر بە نەتەوە یەكگرتووەكان( یۆنیدۆ) ژمارەیەك خانووی پلاستیك لە شاری هەولێر بۆ ئاوارەكان درووست دەكات، ئەمڕۆ لە رێوڕەسمێكدا بە ئامادەبوونی دكتۆر ئەنوەر ئەحمەد ئیبراهیم بەڕێوەبەری گشتی توێژینەوەو رێنمایی كشتوكاڵ و ژمارەیەك لە بەڕێوەبەرانی گشتیی وەزارەت و دكتۆر كاوە عەلی راگری كۆلیژی كشتوكاڵی زانكۆی سەلاحەدین، یاداشتنامەیەكی لێكگەیشتن لە نێوان مەقسود خالد بەڕێوەبەری توێژینەوەی كشتوكاڵیی هەولێرو جیراڵد سیریلۆ رێیەس سەرۆكی تیمی پڕۆگرامەكان لە رێكخراوی ناوبراو واژۆكرا، بەپێی ئەم یاداشتننامەیە ( یۆنیدۆ) بینایەك بۆ سەنتەری توێژینەوەو (5) خانووی پلاستیك لە كەمپی هەرشەمی سەر بە شارەدێی عەنكاوەو نزیك بە بەڕێوەبەرایەتیی توێژینەوەی كشتوكاڵیی هەولێر درووست دەكات و لەم پرۆسەیدا خانووەكان گوڵ و سەوزەیان تێدا بەرهەمدەهێنرێت، هەروەها هاووڵاتیانی ئاوارە كە روویان لە هەرێمی كوردستان كردووە سوودمەند دەبن.