بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی لە ئەحمەد عومەر بەڕێوەبەری پڕۆژەكانی بەیەكەوەژیانی سەر بە رێكخراوی (ریچ) و شاندێكی یاوەری كرد، لە دیدارێكدا سەرەتا باس لە چالاكییەكانی ئەم رێكخراوەیە كرا، لەوانە دروستكردنی پۆندی بچووك و باخچەو پڕۆژە بچووكەكانی كشتوكاڵی لەو گوندانەی كە كوردی رۆژئاواوعەرەبی ئاوارەیان تێدا دەژی بە مەبەستی دۆزینەوەی هەلی كار و یارمەتیدانیان، لە تەوەرێكی دیكەشدا ئاماژە بۆ ئەرك و كارەكانی ریچ كرا تایبەت بە سەوزكردنی ناوچەكان و چاندنی بە درەختی یوكالیپتۆس بە مەبەستی پاراستنی لە تۆزوخۆڵ و پلەكانی گەرما، لەلای خۆشییەوە وەزیری كشتوكاڵ و سەرچاوەكانی ئاو دەستخۆشی لە رێكخراوەكە كردو هیوای خواست كە زیاتر خزمەت بە دانیشتوانی ئاوارەو ئەو گوندانە بكەن كە رووبەڕووی وشكەساڵی دەبنەوە، شایانی باسە رێكخراوی (ریچ) رێكخراوێكی مرۆییە و یارمەتی ئەو گوندانەی كوردستان دەدات كە رووبەڕووی وشكەساڵی و كارەساتەكان دەبنەوە، هەروەها خولی نەهێشتنی نەخوێندەوارییان بۆ دەكاتەوە.