لەپێناو بەرژەوەندیی خاوەن پڕۆژەكانی ماسی لە پارێزگاكانی هەرێمی كوردستاندا، وەزارەتی كشتوكاڵ سەرچاوەكانی ئاو داوای لە لیژنەی ئابووریی پارێزگاكان كردووە رێژەی هاوردەی گۆشتی ماسی لە دەرەوە كەم بكەنەوە، لە لێدوانێكدا بەڕێز عەبدولستار مەجید رایگەیاند: كە بە نووسراوی فەرمی داوایان لە لیژنەی ئابووریی پارێزگاكانی هەولێرو سلێمانی و دهۆك كردووە كە بەهۆی پێگەیشتنی بەرهەمی ناوخۆی پڕۆژەكانی ماسی و بەمەبەستی هاندانی خاوەن پڕۆژەكان و بەردەوام بوونیان لە بەرهەمهێنان رێژەی هاوردەی گۆشتی ماسی لە پێداویستیی پارێزگاكانیان بۆ 50% لە مانگی كانونی یەكەمی ئەم ساڵدا كەم بكەنەوە.