بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی عارف شێروانی سەرۆكی تۆڕی هەنگەوانانی كوردستان و شاندێكی یاوەری كرد، لە دیدارەكەدا كە دكتۆر ئەنوەر عومەر بەڕێوەبەری گشتی پلان و بەدواداچوون ئامادەی بوو، باس لە بەستنی كۆنگرەی هەنگەوانانی عەرەب كرا كە لە ساڵی 2019 لە هەولێر دەبەستێت، هاوكات ئاماژە بە بۆردی توێژینەوە لە بواری هەنگ كراو ئەو گرێبەستەی كە وەزارەت لەگەڵ كۆمپانیای مەشریق واژۆی كرد تایبەت بە دابینكردنی قڕكەر بۆ نەخۆشییەكانی هەنگ و تەئكیدیش كرایەوە لەسەر رۆڵی تۆڕی هەنگەوانانی كوردستان لە كاتی دابەشكردنی ئەو قڕكەرە بەسەر هەنگەوانانی پارێزگاكان، لە تەوەرێكی دیكەدا باس لە كارگەی دروستكردنی خۆراكی هەنگ لە كوردستان كرا و جەختكرایەوە لەسەر پاڵپشتیكردنی وەزارەت بۆ ئەو كارگەیە و ئاماژەش بەوە كرا كە ئەگەر دوای دیراسەكردن كوالیتی بەرهەمەكەی باش بوو و نرخەكەیشی گونجاو و بەپێی پێوەری زانستی بوو، ئەو كاتە چی دیكە خۆراكی هەنگ لە دەرەوە هاوردە نەكرێت و پشت بە بەرهەمی كارگەكە ببەسترێت.