بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی لە كەسایەتیی ناودار شێخ عەبدولرەحمان شێخ عەبدولعەزیز كوڕی رابەری پێشووتری بزووتنەوەی ئیسلامیی كوردستان كرد، لە دیدارێكدا وەزیری كشتوكاڵ و سەرچاوەكانی ئاو وێڕای بەخێرهێنانی گەرمی میوانەكەی، هیوای سەركەوتن وتەمەندرێژیی بۆ خواست، دواتر شێخ عەبدولرەحمان دەستخۆشی لە جەنابی وەزیر كرد بۆ ئەو هەوڵ و تەقەلا بەردەوامانەی كە بەڕێزیان بۆ پێشخستنی كەرتی كشتوكاڵ لە هەرێمی كوردستان دەیدات، لەپێناو بووژاندنەوەی ئەم كەرتەو خزمەتكردنی جووتیارانی كوردستان.