بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی كرد لە سەرۆك و ئەندامانی تیپی وەرزشی تۆپی پێی ئاڵای كوردستان لە ناحیەی تەقتەق و شوان، لە دیدارەكەدا تیپی ناوبراو باسیان لە چالاكییەكانیان كردو بە ڕێزو پێزانینەوە رۆڵی جەنابی وەزیریان لە خزمەتكردنی كەرتی كشتوكاڵ لە كابینەی هەشتەمی حكومەتی هەرێمی كوردستان بەرزنرخاندو هیوای سەركەوتنیان لە ئەركە پیرۆزەكەی بۆ خواست،دواتر خەڵاتی رێزلێنانیان پێ بەخشی، لەلای خۆشیەوە وەزیری كشتوكاڵ و سەرچاوەكانی ئاو سوپاسی شاندی میوانی كردو داوای لێكردن كە بە بەردەوام بن لە گەیاندنی پەیامی سەرشانیان بە گیانی وەرزشی و مرۆڤایەتییەوە بۆ خزمەتكردنی كاروانی وەرزشی لە هەرێمی كوردستاندا.