وەزیری كشتوكاڵ و سەرچاوەكانی ئاو: سوپاس كارمەندانی ڤێتێرنەری گەرمیان تیمەكانی بەڕێوەبەرایەتی ڤێتێرنەری گەرمیان لەرۆژانی پشووشدا بەردوامن لە چاودێریكردنی كوشتارگەو ناوبازار بەمەبەستی پێدانی پێداویستی خۆپارێزی و رێنمایی تەندروستی. بێگەرد تاڵەبانی، وەزیری كشتوكاڵ و سەرچاوەكانی ئاو لەلاپەڕەی تایبەتی خۆی لە تۆڕی كۆمەڵایەتی فەیس بووك دەڵێت، تیمەكانی بەڕێوەبەرایەتی ڤێتێرنەری گەرمیان رۆژانە سەردانی كوشتارگەكان و ناوبازاڕ دەكەن بۆ پێدانی پێداویستی خۆپارێزی و رێنمایی پێویست لەپێناو تەندروستی هاوڵاتیان. وەزیری كشتوكاڵ و سەرچاوەكانی ئاو پێزانینی هەیە بۆ تیمەكانی ڤێتێرنەری گەرمیان كە سەرباری پشووی خۆپارێزی بەردەوامن لەكارەكانیان. وەزیری كشتوكاڵ و سەرچاوەكانی ئاو باسی لەوەشكردووە، تیمەكانی ڤێتێرنەری گەرمیان پێداویستیەكانی خۆپارێزی بەسەر كوشتارگەكان دابەش دەكەن، هەروەها رێنماییان پێشكەش دەكەن، چونكە تەندروستی هاونیشتمانیان لەپێش هەموو شتێكەوەیە. لەكۆتای پەیامەكەی بێگەرد تاڵەبانی، وەزیری كشتوكاڵ و سەرچاوەكانی ئاو دووبارە دەستخۆشی لە فەرمانبەرانی ڤێتێرنەری گەرمیان دەكات و دەڵێت، دەستی ماندوبونتان دەگوشم و نمونەتان زۆربێت.