لەسەر راسپاردەی لیژنەی چاكسازیی هەیكەلبەندیی كارگێڕیی لە سەرۆكایەتیی ئەنجومەنی هەرێمی كوردستان، وەزارەتی كشتوكاڵ و سەرچاوەكانی ئاو دەستی كرد بە هەنگاوەكانی بە ئاراستەی كەمكردنەوەو پوختەكردنی هەیكەلبەندیی وەزارەت، بەڕێز عەبدولستار مەجید وەزیری كشتوكاڵ و سەرچاوەكانی لە لێدوانێكدا ئەمەی پشتڕاستكردەوەو رایگەیاند: لە سەرەنجام و دوای دیراسەیەكی ورد هەیكەلبەندییەكی پوخت ئامادەكرا، بە گوتەی ئەو 30%ی هەیكەلبەندیی كۆن كەمكراوەتەوەو 1067 جومگەی وەزارەت لە بەڕێوەبەرایەتی و بەش و هۆبە بەر ئەو كەمكردنەوەیە كەوتوون، عەبدولستار مەجید لە درێژەی لێدوانەكەیدا زیاتر روونی كردەوە كە بەم هەنگاوەش هەیكەلبەندییەك داڕێژراوە كە هەم لە خزمەتی كەرتی كشتوكاڵ و ئاودا بێت و هەمیش لە خزمەتی جووتیاران، جەختیشی كردەوە كە جومگەی زیاد لادراوەكە رۆتین كەمدەكاتەوەو جومگەكانی دیكەی وەزارەتیش زیاتر ئەكتیڤ دەبن.