بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی كرد لە بەڕێز عەدنان عەلی محەمەد بەڕێوەبرەی ناحیەی پێباز/ باوەنوور لە ئیدارەی گەرمیان بە یاوەریی ژمارەیەك لە كەسایەتیی كۆمەڵایەتی و ئایینی ناوچەكە، لە دیدارەكەدا بەڕێوەبەری ناحیەی پێباز بە ناوی خۆی و دانیشتوانی دەڤەرەكە سوپاسی بێ پایانی وەزیری كشتوكاڵ و سەرچاوەكانی ئاوی كرد كە جێ پەندجەی دیارە لە خزمەتكردنی رەوشی كشتوكاڵ لە هەموو پارێزگاكانی كوردستان و هیوای سەركەوتی بۆ خواست و ئاماژەی بەوە كرد كە لە ئێستادا بە هەوڵ و كۆشش و بەدواداچوونی بەردەوامی بەڕێزیان كەرتی كشتوكاڵ هەنگاوی زۆر بەرچاوی هەڵێناوە، دواتر چەندین داواكاری جووتیاران و دانیشتوانی خستە بەردەم بەڕێزیان تایبەت بە كەرتی كشتوكاڵ و پڕۆژەكانی بەنداوو سامانی ئاژەڵ و ماسی و پشتیوانیكردن لە پڕۆژەكان تاكو ئەو دەڤەرە زیاتر ببووژێتەوە، لەلای خۆیەوە وەزیری كشتوكاڵ و سەرچاوەكانی ئاو بەڵێنی دا كە بە پێی توانا هاوكاریان بكات و جەختی كردەوە كە بەرپرسیارتیی نیشتمانی وا دەەخوازێت كە زیاتر خزمەتی ئەو ناوچەیە بكرێت چونكە گەرمیان زیاتر لە هەموو ناوچەكانی دیكەی كوردستان كەوتۆتە بەر شاڵاوی ئەنفال و ستەمی رژێمی پێشوو، شاندی میوانیش لەسەر ئەم هەڵوێستە بەرزە سوپاسی جەنابی وەزیری كرد.