لە كۆبوونەوەیەكی فراواندا بە ئامادەبوونی بەڕێز عەبدولستار مەجید وەزیری كشتوكاڵ و سەرچاوەكانی ئاو و بەڕێوەبەرانی گشتی دیوان و توێژینەوە ورێنمایی كشتوكاڵ و ژمارەیەك لە پسپۆڕانی بواری توێژینەوە لەگەڵ سەرۆك و ئەندازیارانی 5 كۆمپانیای توێژینەوەی كشتوكاڵیی كەرتی تایبەت، وێڕای هەماهەنگی و هاوكاری نێوان كەرتی كشتوكاڵ و كەرتی تایبەت بۆ بووژاندنەوەی كەرتی كشتوكاڵ و بەردەوامبوونی بڕیاردرا كە لەسەر 3 بوار كاربكرێت، ئەوانیش بواری لۆجیستی و هونەری و پشتبەستن بە چەشنی باشی رووەك، لەم رووەوە هەردوو لا رێككەوتن كە ئەو كۆمپانیایانە وێستگەكانی خۆیان بۆ ستافی وەزارەت و قوتابیانی كۆلیژەكانی كشتوكاڵ تەرخان بكەن بۆ سوودوەرگرتن لە ئەزموونیان و گواستنەوەی زانیاریی نوێ و تەكنەلۆژیای سەردەم، هەروەها هاوكاریكردن لە كاتی ئەنجامدانی رۆژی كێڵگە و بانگهێشتكردنی جووتیاران بۆ ئامادەبوون لەو رۆژەدا، لەبەرامبەریشدا وەزارەت بنكەكانی توێژینەوەی خۆی لە هەولێرو پارێزگاكان بخاتە خزمەت ئەو كۆمپانیانەی كەرتی تایبەت تاكو سوود لە توێژینەوەكان ببینن و لەم بارەوە ئامادەیە كە هەموو ئاسانكارییەك بۆ ئەم مەبەستە دابین بكات، ئەمە بۆ قۆناغی یەكەم بۆ قۆناغی دواتریش بە چاك زانرا كە زنجیرە كۆبوونەوەیەكی دیكە لەگەڵ بنكەكانی توێژینەوەی ئاژەڵی ئەنجام بدرێت.