بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی كرد لە دكتۆر كاوە عەلی نەقیبی سەندیكای ئەندازیارانی كشتوكاڵی كوردستان و ژمارەیەك لە ئەندامانی سەندیكا، لە دیدارێكدا كە بەڕێوەبەرانی گشتی دیوان و پلان و بەدواداچوون ئامادەی بوون، ئامانجی سەردانەكە باسكرا كە تایبەت بوو بە دوو خاڵ، یەكەمیان چارەسەركردنی كێشەی نێوان سەندیكای ئەندازیاران لەگەڵ ڤێتێرنەری دهۆك سەبارەت بە راوێژنەكردن بە ئەندازیارانی كشتوكاڵ دەربارەی هاوردەكردن و سەرپەرشتیكردنی پەلەوەر، دووەمیان ئاماژە بەوە كرا كە پێویستە هەندێ رێنمایی دەربچێت سەبارەت بە ئەنجامدانی پشكنینی خۆراك لە بازاڕەكان بە تایبەتیش كە جاربەجار هەندێ حاڵەتی ژەهراویبوون یان مەترسیدارتر روودەدات لە ئەنجامی خواردنی هەندێ كەلوپەلی خۆراك، دەربارەی چارەسەری ئەو دوو بابەتە وەزیری كشتوكاڵ و سەرچاوەكانی ئاو روونی كردەوە كە لە نزیكەوە بەدواداچوون دەكات و ئەو كێشەو داواكاریانە بەپێی رێنمایی تەكنیكی و ئیداری چارەسەر دەكرێت.