بەڕێز عەبدولستار مەجید وەزیری كشتوكاڵ و سەرچاوەكانی ئاو لە دیوانی وەزارەت پێشوازی كرد لە خاتوو تارا شوانی سەرۆكی پەیمانگەی ئەمریكی – كوردی بۆ توێژینەوەی ئابووری و بیلال سەعید بەڕێوەبەری پەیوەندییەكان و راگەیاندن لە پەیمانگەكە، لە دیدارەكەدا باس لە دیداری كشتوكاڵی كرا كە پەیمانگەكە لە رۆژی 11-2-2017 لە شاری سلێمانی سازی دەكات، تەئكیدیش لەوە كرایەوە كە ئەم دیدارە تایبەت دەبێت بە دوو پەنێڵ دەربارەی پەرەپێدانی كەرتی كشتوكاڵی و ئاسایشی خۆراك دەكات و بە هەماهەنگیی وەزارەتی كشتوكاڵ و سەرچاوەكانی ئاوو یەكێتیی وەبەرهێنەرانی كوردستان بەڕێوەدەچێت، هاوكات ژمارەیەك لە مامۆستایانی زانكۆو پسپۆڕو شارەزاو بزنسمان و پەیوەندیداران بە بواری كشتوكاڵ و ئابووری تێیدا ئامادەدەبن.