وەزیری كشتوكاڵ و سەرچاوەكانی ئاو دەڵێت، پاڵپشتی كەرتی تایبەت دەكەین بۆ وەبەرهێنان لە كشتوكاڵ و سەرچاوەكانی ئاو، هەردوو كەرتەكە هاوتەریب دەبن لە بونیادنانی ژێرخانی كشتوكاڵی و ئاودێری. ئەمرۆ دووشەممە 4/11/2019، بێگەرد تاڵەبانی، وەزیری كشتوكاڵ و سەرچاوەكانی ئاو، پرۆژەی كوردستان فلاوەری لە دەشتی هەولێر بەسەركردەوە. لەمیانی بەسەركردنەوەكەدا، وەزیری كشتوكاڵ و سەرچاوەكانی ئاو، باسی لە هەمواری رێنمایەكان كرد، بەمەستی ئاسانكاری بۆ كەرتی تایبەت لەچوار چێوەی یاسا بەركارەكان بۆ بونیاد نانی ژێرخانی كشتوكاڵی و ئاودێری. بێگەرد تاڵەبانی، ئاماژەی بەوەشكرد، وەبەرهێنان لەكەرتی كشتوكاڵی كەمترە لە2% بۆیە دەبێت هەردوو كەرتی گشتی و تایبەت هاوتەریب بەشداری بكەن لە بەرەو پێشبردنی كەرتەكەدا. پرۆژەی كوردستان فلاوەر پرۆژەیەكی بەرهەمهێنانی گوڵی سروشتیە لەسەر رووبەری 20 دۆنم زەوی، مانگانە 150 هەزار گوڵ بەرهەمدەهێنێت. لەمیانی بەسەركردنەوەی بەشەكانی پرۆژەكە، وەزیری كشتوكاڵ و سەرچاوەكانی ئاو، لەگەڵ دەستخۆشی لە خاوەنی پرۆژەكە داواشی كرد، كە لەپرۆژە كشتوكاڵیەكان سوود لەتوانای دەرچوانی كۆلێژەكانی كشتوكاڵی وەربگیرێت.
- ئهم لاپهڕهيه چاپ بكه
چهند وێنهيهكى هاوپێچ كليك بكه بۆ بينينيان
وەزیرى کشتوکاڵ و سەرچاوەکانى ئاو سەردانى پارێزگارى سلێمانى کرد
وەزیری كشتوكاڵ و سەرچاوەكانی ئاوی حكومەتی هەرێم و پۆڵۆنیا كۆبوونەوە
پۆڵۆنیا هاوكاری هەرێمی كوردستان دەكات له كەرتی كشتوكاڵ
کارگەیەکى رۆنى زەیتوون و پیشانگایەکى بەرهەمى کشتوکاڵى لە گەرمیان دەکرێنەوە