بێگەرد تاڵەبانى: لە وەرزى داچانداین بۆیە ئاسانکارى تەواو بۆ جوتیاران دەکرێت ئەمڕۆ دووشەممە 2020/4/13، بێگەرد تاڵەبانى، وەزیرى کشتوکاڵ و سەرچاوەکانى ئاو سەردانى دکتۆر هەڤاڵ ئەبوبەکر، پارێزگارى سلێمانى کرد بۆ ئاسانکارى زیاتر بۆ جوتیاران و خاوەنکارانى کشتوکاڵى. لەسەرەتاى کۆبوونەوەکە، هەڤاڵ ئەبوبەکر، پارێزگارى سلێمانى دواى بەخێرهاتنى وەزیرى کشتوکاڵ و سەرچاوەکانى ئاو تیشکى خستەسەر رێکارەکانى خۆپارێزى و ئەو ئاسانکاریانەى بۆ خاوەنکارانى کەرتى کشتوکاڵى کردووە. پاشان بێگەرد تاڵەبانى، وەزیرى کشتوکاڵ و سەرچاوەکانى ئاو وێڕاى سوپاس و پێزانین بۆ سەرۆک و ئەندامانى ژوورى ئۆپەراسیۆنى پارێزگاى سلێمانى بۆ ئەو هەماهەنگیەى لەگەڵ بەڕێوەبەرەکانى وەزارەتى کشتوکاڵ و سەرچاوەکانى ئاو کردویانە بۆ ئاسانکارى رێگەپێدان بە جوتیاران بۆ چوونیان بۆسەر کێڵگەکانیان. وەزیرى کشتوکاڵ و سەرچاوەکانى ئاو باسى لەوەکرد، ئێستا کە وەرزى داچاندن و پێگەیشتنى بەرهەمى خانووى پلاستیکیە بۆیە پێویستە ئاسانکاری بۆ سەردانى جوتیاران و گەیشتنى بەرهەمیان بۆ عەلوە و فرۆشگاکان بکرێت. لەکۆبوونەوەکە بەڕێوەبەرى گشتى کشتوکاڵى سلێمانى، بەڕێوەبەرى گشتى دارستان و باخدارى و پاوان، جێگرى بەڕێوەبەرى گشتى کشتوکاڵى سلێمانى و بەڕێوەبەرى ڤێتێرنەرى ئامادە بوون، دروستکردنى ئاگربڕ لەو ناوچانەى پێویستە لەگەڵ رێگەدان بە خاوەنکاران بۆ ئەوەى کرێکارەکانیان بگەینن بەسەر کارەکانیان بەشێکى ترى گفتوگۆى دانیشتنەکەمان بوو. هەماهەنگى نێوان وەزارەتى کشتوکاڵ و سەرچاوەکانى ئاو و پارێزگارى سلێمانى بە پێویست زانرا بۆ خزمەتکردنى جوتیاران و خاوەنکارانى کەرتى کشتوکاڵى و ئاودێرى.
- ئهم لاپهڕهيه چاپ بكه
وەزیری كشتوكاڵ و سەرچاوەكانی ئاوی حكومەتی هەرێم و پۆڵۆنیا كۆبوونەوە
پۆڵۆنیا هاوكاری هەرێمی كوردستان دەكات له كەرتی كشتوكاڵ
کارگەیەکى رۆنى زەیتوون و پیشانگایەکى بەرهەمى کشتوکاڵى لە گەرمیان دەکرێنەوە
بێگەرد تاڵەبانی: ڕێگرییە یاساییەکانی بەردەم گەشەی کشتوکاڵ ناهێڵین