بە ئامادەبوونی بەڕێز عەبدولستار مەجید وەزیری كشتوكاڵ و سەرچاوەكانی ئاو، ئەمڕۆ سێ شەممە لیژنەی بەدواداچوونی كێشەكان لە دیوانی وەزارەت لەگەڵ جووتیاران كۆبۆوە، سەرەتا وەزیری كشتوكاڵ و سەرچاوەكانی ئاو جەختی كردەوە كە ئەو لیژنەیەی بە درێژایی ئەو سێ ساڵە پێكهێنراوە بەپێی توانا چارەسەری زۆربەی كێشەو گرقتەكانی جووتیارانی بكات، بۆیە بەردەوام دەبێت لە بەدواداچوون و دۆزینەوەی رێگە چارە بۆ كێشەو داواكارییەكانتان، سەبارەت بە پاڵپشتیكردن لە جووتیارانیش دووپاتی كردەوە كە وەزارەت لەسەر بەرنامەو پلانی خۆی بەردەوامە بۆ گرنگیدان بە بەرهەمی خۆماڵی و زیادكردن و چاككردنی بەروبوومە كشتوكاڵییەكان، دواتر راستەوخۆ ئامادەبووان باسیان لە گرفتی یەكلایی كردنەوەی كێشەی زەوی وزاركرد، لە تەوەرێكی دیكەدا ئامادەبووان كێشەی بیرلێدانیان خستەڕوو، دواتر لیژنەكەش لەنزیكەوە راوسەرنجی خۆی دەربارەی داواكاری و كێشەكانیان و چارەسەرەكان خستەڕوو.