بەڕێز عەبدولستار مەجید وەزیری كشتوكاڵ و سەرچاوەكانی ئاو راستەوخۆو لەنزیكەوە پەیوەندیی بە لایەنی تایبەت بە سامانی ماسی كرد بە مەبەستی چارەسەركردنی كێشەی خاوەن پڕۆژەكانی ماسی لەرووی نوێكردنەوەی مۆڵەتی بەخێوكردن و چاودێریكردن، لە وەڵامی ئەم بەدواداچوونەدا بەڵێنیان پێدرا كە بە زووترین كات و بەپێی توانا چارەسەری كێشەكەیان بۆ دەكرێت، ئەمەش لەمیانی كۆبوونەوەی هەفتانەی لیژنەی بەدواداچوونی كێشەكانی سەر بە وەزارەت هات وەك هەموو رۆژانی سێ شەمموان، لەگەڵ ژمارەیەك لە جووتیارو بەرهەمهێندا، دواتر وەزیری كشتوكاڵ و سەرچاوەكانی ئاوو ئەندامانی لیژنەكە گوێبیستی كێشەكان بوون، لەوانە كێشەی زەویی جووتیاران، وێڕای كێشەی بیرلێدان كە سەرنج و تێبینی دەربارەی ئەم كێشەیەش ئاماژەیان پێكرا، لەم بارەوە جەختكرایەوە كە ئەو بابەتە پێویستە بەپێی رێنماییەكان چارەسەربكرێت، لەگەڵ چەندین كێشەی دیكە چارەی گونجاویان بۆ دەست نیشان كرا.