ئەمڕۆ بەڕێز عەبدولستار مەجید وەزیری كشتوكاڵ و سەرچاوەكانی ئاو بە ئامادەبوونی ئەندامانی لیژنەكە سەرپەرشتیی كۆبوونەوەی لیژنەی بەدواداچوونی كێشەكانی جووتیارانی كرد، سەرەتا دووپاتی كردەوە كە لەو ماوەیەی رابردوودا لیژنەكە بەپێی دەسەڵاتی خۆی و رێنماییەكان توانیویەتی دەیان كێشە چارەسەربكات، ئەمڕۆش لەم كۆبوونەوەیەدا راستەوخۆو بە راشكاوییەوە گوێ لە جوتیارو خاوەن پڕۆژە كشتوكاڵییەكان دەگرێت تاكو لە نزیكەوە بە كێشەو گرفتەكانیان ئاشنا بێت، هەروەها روونی كردەوە كە وەزارەت بەردەوام دەبێت لە پاڵپشتی كردنی جووتیاران، هەر لە كۆبوونەوەكەدا نوێنەری جووتیارانی دەڤەری سیدەكان داوای دابینكردنی هەندێ پێداویستیی ئاودێرییان كرد و لەم بارەوە راستەوخۆ وەزیری كشتوكاڵ پەیوەندیی بە بەڕێوەبەری ئاودێریی هەولێرەوە كردو ئەو داواكارییەی بۆ دابینكردن، هەروەها چەندین بابەتی دیكەو كێشەو گرفت خرانەڕوو و لیژنەكەش باری سەرنج و چارەسەری بۆ دەست نیشانكردن.