بە ئامادەبوونی بەڕێز عەبدولستار مەجید وەزیری كشتوكاڵ و سەرچاوەكانی ئاو، ئەمڕۆ سێ شەممە لیژنەی بەدواداچوونی كێشەكان لە دیوانی وەزارەت لەگەڵ جووتیاران كۆبۆوە، سەرەتا وەزیری كشتوكاڵ و سەرچاوەكانی ئاو ئاماژەی بە هەوڵ و تەقەلای وەزارەت كرد بۆ چارەسەركردنی كێشەو گرفتەكانی هاووڵاتیان و جووتیاران، چەند جووتیارێكیش باسیان لە گرفتی یەكلایی كردنەوەی كێشەی زەوی وزاركرد، لە تەوەرێكی دیكەدا ئامادەبووان كێشەی بیرلێدانیان خستەڕوو، دووپاتكرایەوە كەلێدانی بیر لە هەر ناوچەیەك بێت تەنانەت ئەگەر بۆ هەر مەبەستێك بێت پێویستە بە پێی رێنماییەكان بێت، لەم كۆبوونەوەیەدا ئەوە دووپاتكرایەوە كە مەبەست لە ئەنجامدانی كۆبوونەوەكانی رۆژی سێ شەمموان ئەوەیە كە زیاتر لە نزیكەوە بە داواكاری و كێشەكان ئاشنابن، شایانی باسە تەنیا لە ماوەی 11 مانگی رابردوودا لیژنەكە چالاكیی بەرچاوی هەبووە لە بەدواداچوون و چارەسەركردنی دەیان ئەو كێشەو گرفتانە.