بە ئامادەبوونی بەڕێز عەبدولستار مەجید وەزیری كشتوكاڵ و سەرچاوەكانی ئاو، ئەمڕۆ سێ شەممە لیژنەی بەدواداچوونی كێشەكان لە دیوانی وەزارەت لەگەڵ جووتیاران كۆبۆوە، سەرەتا وەزیری كشتوكاڵ و سەرچاوەكانی ئاو وێڕای بەخێرهێنان باسی لە مەبەستی ئەم جۆرە كۆبوونەوانە كرد و داوای لێكردن راشكاوانە كێشەكانیان بخەنەڕوو تاكو لە نزیكەوە گوێیان لێ بگیرێت و چارەسەریان بۆ دەست نیشان بكرێت، دواتر دەرفەت درایە جووتیاران و هەندێكیان باسیان لە گرفتی یەكلایی كردنەوەی كێشەی زەوی وزاركرد، هاوكات هەندێ لە ئامادەبووان كێشەی بیرلێدانیان خستەڕوو، لەم كۆبوونەوەیەدا ئەوە دووپاتكرایەوە كە مەبەست لە ئەنجامدانی كۆبوونەوەكانی رۆژی سێ شەمموان ئەوەیە كە زیاتر لە نزیكەوە بە داواكاری و كێشەكان ئاشنابن، شایانی باسە لەم ماوەیەشدا لیژنەكە چالاكیی بەرچاوی هەبووە لە بەدواداچوونی ئەو كێشەو گرفتانە.