وەزارەتی كشتوكاڵ و سەرچاوەكانی ئاو دابینیكردوون وەزارەتی كشتوكاڵ و سەرچاوەكانی ئاو حەوت هەزار داری تووی پێشكەش بە پارێزگای هەڵەبجە كردوو، لە رێگا سەرەكیەكان و لەو ناوچانەی پێویستن دەست بە چاندنیان كرا. حوسێن حەمە كەریم، وتەبێژی وەزارەتی كشتوكاڵ و سەرچاوەكانی ئاوی حكومەتی هەرێم دەڵێت، لەدرێژەی هەوڵەكانماندا بۆ زیادكردنی رووبەری سەوزایی و پاراستنی ژینگە ساڵانە هەزاران نەمان بێ بەرامبەر دابەش دەكەین بەسەر دامەزراوە فەرمیەكان. وتەبێژی وەزارەتی كشتوكاڵ و سەرچاوەكانی ئاو ئاماژەی بەوەشكرد، بەڕێوەبەرایەتی دارستان و پاوانی سلێمانی حەوت (7000)هەزار نەمامی توو بۆ پارێزگای هەڵەبجە دابینكرد، بەشێكی زۆریان لە هەورامان(خەرپانی، خێڵی حەمە، سەرگەت، گوڵپ و باخەكۆن) چێنراون بەتایبەت لە قەراخی رێگاكان و ئەو ناوچەی پێویستن. رونیشكردەوە، نەمامەكان لەنەمامگەی دارستانی سەرچنار بەرهەم هاتوون، لەپێناو سەوزكردنی كوردستان و ژینگەكەی ئەم هەڵمەتانە بەردەوامیان دەبێت و فراوانتریش دەكرێن.