ئەمڕۆ 15-6-2015 لە ناوچەی شەمامكی سەر بە پارێزگای هەولێر كۆمپانای (نهار الاوراد) بۆ بازرگانیی پەتاتەو پێداویستییەكانی كشتوكاڵ بە دروشمی ( با خۆراكمان لە خاكەوە بێت)بە هاوكاریی گروپی كۆمپانیاكانی سۆفی، رێوڕەسمی رۆژی كێڵگەی تایبەت بە بەروبوومی پەتاتە بۆ جووتیارانی كوردستان سازكرد، لە رێورەسمەكەدا كە ژمارەیك لە بەڕێوەبەرانی گشتی وەزارەت و نوێنەرانی وەزارەتی كشتوكاڵی عێراق و ژمارەیەك لە كۆمپانیاكانی پەیوەست بە كشتوكاڵ لە كەرتی تایبەت و نوێنەری یەكێتیی جووتیاران و ژمارەیكی زۆری جووتیارانی هەولێر ئامادەی بوون، وتاری بەڕێز عەبدولستار مەجید وەزیری كشتوكاڵ و سەرچاوەكانی ئاو لەلایەن حوسێن حەمە كەریم بەڕێوەبەری گشتی باخداری و دارستان خوێنرایەوە تیایدا ئاماژەی بەپلانی وەزارەت كرد بۆ پشتیوانی كردن لە پرۆسەی چاندنی پەتاتە هەر لە ساڵی 2008 ەوە تایبەت بە پەرەپێدانی پەتاتەو بەرنامەی وەزارەت لە قەدەغەكردنی هاوردەی ئەم بەروبوومە لە كاتی پێگەیشتنی ئەم بەروبوومە، هاوكات رۆڵی كەرتی تایبەت لەم پرۆسەیەدا، هەر لەو رێورەسمەدا وتاری كۆمپانیای نەهار ئەوراد لەلایەن شەعبان نەهار بەڕێوەبەری رێگەپێدراوی كۆمپانیاكە خوێنرایەوە، سوپاسی وەزارەتی كشتوكاڵی هەرێمی كوردستانی كرد بۆ پشتیوانی كردن لە كەرتی تایبەت و دواتر باسی لە پلان و بەرنامەی كۆمپانیایەكەی كرد كە توانیویەتی پتر لە 30 چەشن و جۆر پەیڕەوبكات، بە بەكارهێنانی ئامێری سەردەمیانە، دواتر دیاری بەسەر هەندێ لە بەرپرسانی وەزارەت و ئامادەبووان دابەشكراو لە كۆتاییدا گەشتێكیان بە نێو بەرهەمەكانی چێنراوی پەتاتەدا كرد.